Posted by

ജനങ്ങളെ കൊള്ളയടിക്കുന്ന തീരുമാനത്തിൽ നിന്ന് എസ്.ബി.ഐ പിൻമാറണം

11.05.2017

ബാങ്ക് സേവനങ്ങൾക്ക് അമിത സർവ്വീസ് ചാർജ് ഈടാക്കികൊണ്ട് ജനങ്ങളെ കൊള്ളയടിക്കുന്ന തീരുമാനത്തിൽ നിന്ന് എസ്.ബി.ഐ പിൻമാറണമെന്ന് ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ ആവശ്യപ്പെട്ടു. ജൂൺ 1 മുതൽ എല്ലാ എ.ടി.എം സേവനങ്ങൾക്കും 25 രൂപ ഈടാക്കാനും ഒപ്പംതന്നെ വിവിധ സേവനങ്ങൾക്കും സർവ്വീസ് ചാർജ് ഏർപ്പെടുത്തിയിരിക്കുകയാണ് എസ്.ബി.ഐ. കഴിഞ്ഞ ഏപ്രിൽ 1 മുതൽ ഉപഭോക്താക്കൾക്കുമേൽ പുതിയ സർവ്വീസ് ചാർജുകൾ ഈടാക്കിയിരുന്നു. അതിനുപുറമെയാണ് ഇപ്പോൾ ഏർപ്പെടുത്തിയിരിക്കുന്ന ചാർജുകൾ. അധ്വാനിച്ചുണ്ടാക്കുന്ന പണത്തിന്റെ നല്ലൊരുവിഹിതം ബാങ്കിന് സർവ്വീസ് ചാർജായി കൊടുക്കേണ്ട സ്ഥിതിയിലാണ് ജനങ്ങൾ. സാധാരണക്കാർക്ക് ബാങ്കിനെ അപ്രാപ്യമാക്കുന്ന നിലയിലേക്കാണ് കാര്യങ്ങൾ എത്തിച്ചേർന്നിരിക്കുന്നത്. എന്നാൽ കോർപ്പറേറ്റുകൾക്ക് എല്ലാവിധ സൗകര്യങ്ങളും ഒരുക്കികൊടുക്കുന്നുമുണ്ട്. സാധാരണക്കാരോട് യാതൊരുവിധ പ്രതിബദ്ധതയും കാണിക്കാത്ത ബിജെപി സർക്കാരിന്റെ ജനദ്രോഹ നയങ്ങളുടെ ഭാഗമാണ് ഈ തീരുമാനവും. ജനങ്ങളെ കൊള്ളയടിക്കുന്ന തീരുമാനം പിൻവലിക്കണമെന്നാവശ്യപ്പെട്ടുകൊണ്ട് ശക്തമായ പ്രതിഷേധം സംഘടിപ്പിക്കുമെന്നും ഡി.വൈ.എഫ്.ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു.

0 0 102 08 June, 2017 ജാലകം June 8, 2017

Leave a Reply

Your email address will not be published. Required fields are marked *